logo associazione la bassa

Associazion culturâl pal studiu da la furlanetât
dai teritoris di Tisane e di Puart 'la bassa'

Lis finalitâts che a si propon l'Associazion culturâl pal studiu da la furlanetât dai teritoris di Tisane e di Puart “la bassa” a son di ordin culturâl e a son indirizadis viars la cugnussinze, la valorizazion e la protezion di dut cuant tal cjamp de storie, de lenghistiche, de archeologjie, de art, dal ambient naturâl e dal omp, da lis usansis e dai costumps che a fan part dal patrimoni da lis variis identitâts culturâls dai teritoris dal latisanês e dal portogruarês (art.3 dal statût).

L'associazion e stabilis di operâ tal cjamp da la risecje, e dal studi, da la promozion culturâl atraviars lis plui variis formis, comprindude chê de editorie.

Compit da l'associazion al je ancje chel di davuelgi une azion culturâl secont lis propriis finalitâts, tai confronts, sedi da lis popolazions, sedi dai Ents publics, locâi, nazionâi e internazionâi, sedi civii che religiôs (art. 4 dal statût).

Significatîf al je ancje l'embleme de associazion che al rapresente i stemis civics di Puart (a man sanche) e di Tisane (a man drete), separâts da un flum (il Tiliment) cun parsore une acuile, simbul dal Friûl. Sot la detule “L'aga non ni divit”a ricuart, sedi a ricuart di chê atighe “Terra della Tisana” che a cjapave dentri ancje dut il comun di San Michêl, sedi a ricuart dal teritori di Part che une volte al faseve part da la Patrie dal Friûl e che cumò al è inte provincie di Vignesie.