banner associazione la bassa

Epistolario de "la bassa"


NADAL 2009

albero di natale

Li stèlis a’ lùzin
E ogni ànzu sidìn
Al spèta ch’al nàssi
Il Gran Frùtin

La Fìa di Eva
Sensa pecjât
A’ parturìs
So Pàri incarnât

Ciantét anzulùz
Glòria al Signôr.
E dal cièl lassú
Um gran splendôr

Mandèt al mont
Trìst e šelerât,
Ch’al podares jessi
Amôr e bontât

Ma almancu stu di
Lassin la tristeria
In pás cul cor nostri
Pensian a la miseria

Pensìn a chei fruz ch’a mòrin
e nuatris il pan
No lu butìn
Nència al cian

Ch’a no lu màngia
Parse ch’al spèta
Chi i dini la so raziòn
In sciatolèta

Ma basta tristèssis
Al é Nadàl
Làssin in banda
Qualùncui mal.

Amôr e presínts
Ai frùz ai amìs
Ai parìnc a la femina
Sedin ducju filìs

Prèin e cjantìin
Che il Signôr
Ni màndi furtùna
Salùt, pâz e amôr.

Bon Nadal e Buni’ Fiestis - Gigi da li Selvis - Teresina Brasil


albero di natale

Auguri di Bon Nadal e Bon Principi da l'An

dal Brasil

da part dal poeta Luigi Cicuttin di Tisanota

Bon Nadal e bon principi da l'An 2008

Culí tant distant
Da la me Bassa
Da la me zent
Da la me rassa

Un Nadal, vin, sensa nef
E um cialt di murí
Ma Crist al nas
Al nas encia chi

Un Frut pitinin
Un nouf Redentor
Cha al crea speransa
Par ogni bon cor

Neri o Blanc
Forest o talian
Nassut chi vissin
O, tant, tant lontan.

Signurut benedet
Ven, e parta, la pas
Ta chistu mont
plen di malas

Malas di ingurdisia
Di odiu e terror
Di voia di bevi
Il sanc dai puors

Ven a iudá
Chel che, cui sió bes
Nol Riva nencia
A la fin dal mês

Fa o Signor
Che i sglonfs e passus
A viodin a plansi
Chei puors frutus

Cha a morin di fan
A morin di set
E par lor, quase nisun
Nol mouf nencia um det.

E pó Santissim
Biel Fantulin
Binidis e conserva
Ducius i mieis Amis.